TATLONG KUTING SA KAHON
nasa isang talampakan ang kahon
tatlong kuting ang nasa loob niyon
misyon nila'y ang makaalis doon
aba'y saglit lang, sila'y nakaahon
halos tatlong linggo pa lamang sila
wala pang sambuwan ngunit kaysigla
sa kahon nga'y agad na nakasampa
survival of the fittest, ikako na
tila ba ito'y isang pagsasanay
kaya bidyuhan sila'y aking pakay
upang masulat ang kanilang buhay
habang kuting pa't pag lumaking tunay
bata pa'y pinakita na ang galing
ng mga magkakapatid na kuting
sana paglaki'y masubaybayan din
at nang sila'y maitula ko pa rin
- gregoriovbituinjr.
05.01.2023
* ang bidyo ay mapapanood sa: https://fb.watch/kfu3LwYEBn/
Walang komento:
Mag-post ng isang Komento