RESERBANG DELATA
heto't binili'y sampung delata
na pang-isang linggo nang reserba
sardinas na talagang malasa
mga isdang kinulong sa lata
minsan sa mundo'y ganyan ang buhay
lalo't tulad kong di mapalagay
sa mundong saksi sa dusa't lumbay
bagamat may saya ring nabigay
madalas kung iyong iisipin
ito'y talagang pang-survival din
sa mga nasalanta'y pagkain
sa dukha'y delatang mumurahin
ah, mabuting may reserbang ganyan
na panlaban mo sa kagutuman
pagkat nakikipagsapalaran
pa rin sa di patas na lipunan
- gregoriovbituinjr.
05.02.2023
Walang komento:
Mag-post ng isang Komento