MAPANLIGAW NA PAMAGAT
animo'y mayroong espesyal doong ulat
subalit mapanligaw pala ang pamagat
hinggil sa pagkamatay ng isang heneral
noong panahong Philippine-American War
akala ko'y tulad kay Andres Bonifacio
na pinaslang ng kapwa rebolusyonaryo
o kaya'y tulad ni Ninoy Aquino sa tarmac
sa paglapag ng eroplano'y napahamak
tinalakay lamang ang kanyang talambuhay
walang detalye sa ulat ng pagkamatay
tanging sinabi sa ulat, namatay siya
matapos ang digma, higit tatlong dekada
bakit ganyan ay pinayagan ng editor?
bakit ba ganyan ang isinulat ng awtor?
bakit mambabasa'y kanyang inililigaw?
upang atensyon ng bumabasa'y mapukaw?
- gregoriovbituinjr.
07.16.2025
* ulat mula sa pahayagang SAGAD, Hulyo 9, 2025, p. 6
* ayon sa pananaliksik, "On July 7, 1932, (Gen. Tomas Mascardo) died from a heart disease" https://kahimyang.com/kauswagan/articles/2736/today-in-philippine-history-october-9-1871-general-tomas-mascardo-was-born-in-cavite-del-viejo#google_vignette
Walang komento:
Mag-post ng isang Komento