NILAY
kung anu-ano ang nalilirip
o marahil walang nasa isip
mga problemang dapat masagip
o pulitikang dapat mahagip
sa kisame'y muling titingala
baka lang makasagap ng paksa
ano bang pakinabang ng madla
sa tula? wala na nga ba? wala?
pipilitin kong makapagsulat
ng anumang makapagmumulat
paksang magaan man o mabigat
o yaong paksang nakagugulat
bagamat tuliro man sa bahay
tulala ang makata ng lumbay
patuloy lang akong magninilay
upang puso't diwa'y mapalagay
- gregoriovbituinjr.
02.17.2025
Walang komento:
Mag-post ng isang Komento