Lunes, Enero 2, 2023

Ang handog

ANG HANDOG

nitong kapaskuhan
o Bagong Taon man
kayraming bigayan
nag-aginalduhan
sa opis, tahanan

regalo ng puso
para sa kasuyo,
kapalitang kuro;
aginaldong tuyo
ng trapong hunyango

nagbigay sa madla
ayuda'y napala
at nagkawanggawa
sa preso't dalita
na sadyang sinadya

di man nabibitin
tuloy sa mithiin
at laksang gawain
di ko man hintayin
ay naanggihan din

- gregoriovbituinjr.
01.02.2023

Walang komento:

Mag-post ng isang Komento

Sa Buwan ng Wika

SA BUWAN NG WIKA kinalulugdan ko / ang Buwan ng Wika na sa bawat pintig / niring puso'y handa nang muling sumuong / sa anumang sigwa mai...