Martes, Marso 29, 2022

Tulaan

TULAAN

tara, tayo'y tumula
ng samutsaring paksa
at doon isadula
ang buhay nating sadya

ikwentong pataludtod
ang bawat nating pagod
pawis, sikap at kayod
pati mababang sahod

isalaysay sa saknong
ang pasyang urong-sulong
tulad ng chess at gulong
plano'y saan hahantong

bilangin man ang pantig
na isinasatinig
dapat nating mausig
ang mga manlulupig

tula ang buhay natin
kathain ang paksain
anong isyu't usapin
sa madla'y bibigkasin

- gregoriovbituinjr.
03.29.2022

* litratong kuha noong World Poetry Day

Walang komento:

Mag-post ng isang Komento

Naninilay

NANINILAY baka magdyanitor na sa ospital paraan ng pagbabayad ng utang para lang kay misis na aking mahal para may iambag kahit munti man la...