"Besides being a poet, to be an activist is my calling. ~ GBJ"
isa lang ako sa tinawag upang maging tibak
magsisilbi sa bayan, pamumuhay ay payak
danasin man ang hirap, wala ritong pisong pilak
nagpasya akong ganap, buhay ko'y dito tiniyak
pagyakap sa aktibismo'y pagtanggap sa layunin
sumama ako dahil marangal ang adhikain
lipunang makatao'y itayo ang simulain
upang sosyalismo't panlipunang hustisya'y kamtin
magtatatlong dekada nang ito ang aking misyon
uring manggagawa'y kasamang nagrerebolusyon
kasama rin pati magsasaka sa nilalayon
at nakikibaka para sa makataong nasyon
internasyunalismo ang prinsipyo't diwang yakap
na anuman ang lahi'y dapat tubusin sa hirap
pagkakapantay sa lipunan ang aming pangarap
rason kung bakit kami'y naging aktibistang ganap
kahit sa mga tula ko'y nakikibakang tunay
nagrerebolusyong yakap ang simpleng pamumuhay
sosyalismo sana'y makamit habang nabubuhay
ito na ang aking buhay hanggang ako'y mamatay
- gregbituinjr.
Mag-subscribe sa:
I-post ang Mga Komento (Atom)
Trapo at basahan
TRAPO AT BASAHAN bentador ng bayan ang trapo ang turing sa dukha'y basahan trapo'y nanloloko ng tao ayuda ang nasa isipan ano bang a...
-
ANONG PAMALIT SA KANIN? anong magandang kainin na ipampalit sa kanin? sabihin mo nga sa akin baka payo mo'y magaling mataas daw ang suga... -
sabik na akong makita ang mga kalapati na dapat lumaya sa hawlang lungkot ang sakbibi dapat ilipad ang pakpak sa araw man o gabi pagkat s...
-
NAGTAGPO SA PANULAT sa panulat tayo nagkita, aking musa sa aking mga kataga'y nilikha kita upang maging inspirasyon ka sa tuwina at sa p...
Walang komento:
Mag-post ng isang Komento