PAYAK NA HAPUNAN
muli, payak ang hapunan
sibuyas, kamatis, bawang,
okra at tuyong hawot man
basta malamnan ang tiyan
habang nagninilay pa rin
sa harap man ng pagkain
tila may binubutinting
sa diwa't paksa'y pasaring
upang tayo na'y mauntog
laban sa buwitreng lamog
buwayang di nabubusog
pating na lulubog-lubog
isip ay kung anu-ano
kayraming tanong at isyu
mga kurakot na loko
ba'y paano malulumpo?
- gregoriovbituinjr.
01.10.2026
Walang komento:
Mag-post ng isang Komento