SALAMISIM
nasa rali man ako, sinta
kasama'y manggagawa't dukhâ
ay nasa puso pa rin kita
iyon ang mahalagang sadyâ
sa bawat minutong nagdaan
sa bawat segundong lumipas
o maging sa bawat araw man
o pagdaan ng bawat oras
ay lagi kang nagugunitâ
sa mga tula'y nasasambit
madalas mang ako'y tulalâ
tula'y tulay sa bawat saglit
sa bawat araw na ninikat
kahit na ako'y nananamlay
ay sisigla na akong sukat
pag naalala kitang tunay
- gregoriovbituinjr.
10.17.2025
Walang komento:
Mag-post ng isang Komento