SA MULING PAGNINILAY
mabuti nang tumumba't mamatay
kaysa wala nang silbi sa buhay
sa isip ko'y gumugulong tunay
itong gulong na plat niring buhay
narito't naglilingkod ng sadya
sa uring manggagawa at dukha
sa kabila ng hibik at luha
nang aking asawa ay mawala
paano babayaran ang utang
na milyon-milyon ay di ko alam
sakit sa ulong di napaparam
ang sarili ko na'y inuuyam
pagpapatiwakal ba ang sagot?
kung katiwasa'y di maabot?
paano lulusutan ang gusot?
ang kalutasan sana'y masambot
- gregoriovbituinjr.
09.02.2025
Walang komento:
Mag-post ng isang Komento