LARO SA APP NG SELPON
habang nagbabantay sa ospital
sa selpon ay naglalaro ng app
nang di mainip o matigagal
madaling araw o gabing ganap
pinaglalaro muna ang isip
di makatulog, nais humimbing
kung anu-ano ang nalilirip
na nais tulain habang gising
nagninilay habang naglalaro
habang minsan ay nakatulala
sa laro't utang ba'y mahahango
isipin anong dapat magawa
at pag may nanilay sa maghapon
ay tiyak may tulang laan doon
- gregoriovbituinjr.
11.16.2024
* litrato mula sa app game na Twisted Rope, Level 29
Walang komento:
Mag-post ng isang Komento