INADOBONG ISDA
daing at galunggong
bawang at sibuyas
may toyo pa't suka
lutong inadobo
dapat lang magluto
pag may iluluto
lalo't nagugutom
at nasisiphayo
nang may maiulam
sa kinagabihan
upang mga anak
ay di malipasan
inadobong isda
sa toyo at suka
nang dama'y ginhawa't
mabusog na sadya
aking ihahain
sa hapag-kainan
itong inadobong
kaysarap na ulam
katoto't kumpare
tara nang kumain
lalo't gumagabi
at nang di gutumin
- gregoriovbituinjr.
04.02.2024
Walang komento:
Mag-post ng isang Komento