PAGTITIG SA KAWALAN
pagtitig sa kawalan
ba'y tanda ng kawalan?
wala bang mahingahan
ng nasa kalooban?
alala'y suliranin
at nasa saloobin
paano bang gagawin
upang ito'y lutasin
napatitig sa langit
sa palad ba'y inugit
ang sangkaterbang lupit
di na makabunghalit
subalit may solusyon
sa problemang may rason
hanapin ko lang iyon
aalpas sa kahapon
- gregoriovbituinjr.
01.04.2024
Walang komento:
Mag-post ng isang Komento